Charter Document - 02520238
| Charter Number: | 02520238 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1281 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wolfkerus dictus de Chlammestein cum filio nostro Heinrico tenore presencium constare cupimus omnibus Christi fidelibus presentem paginam inspecturis quod in remedium anime uxoris nostre pie memorie Elysabeth necnon proprie salutis et omnium progenitorum nostrorum sed precipue moti spirituali devotione sacri collegii conventus in Raitenhaslach legavimus sancte Marie ibidem curiam nostram prope Taufchyrchen iuxta aquam Arnovwe sitam dictam Graprehtinge cum omnibus suis pertinenciis pascuis pratis cultis et incultis quesitis et non quesitis solventem terciam partem de agriculturis necnon porcum sollempni taxatione valentem septuaginta denarios Ratisponenses vel solidos III Ratisponensium item centum ova caseos IIII anseres quatuor pullos VIII et in festivitatibus xenia consueta tali veruntamen donatione quod omnia supradicta tempore minutionis ad consolationem conventui debeant provenire In cuius rei testimonium presens scriptum nostro atque sigillo venerabilis domini abbatis Chvnradi de Raitenhas[lach] iussimus roborari Datum anno domini millesi MCCLXXX in octava sancti Iohannis baptiste Testes huius sunt dominus Heinricus plebanus de Toerlan item Chvnradus Reischenharter Heinricus Wlpise Otto de Penge Chvnradus de Nvsheim Gotschalcus Fridericus Meusel Albero Wlpise Eberhardus Chagner Vlricus Gracilis Vlricus Prenner Vlricus Chraiburger Perwein et alii quam plures