Charter Document - 02520235
| Charter Number: | 02520235 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1280 |
| Date type: | Internal, A.D., Feast |
| Resource Link(s): |
Monasterium.net |
Charter:
Notum sit omnibus Christi fidelibus tam presentibus quam futuris presentem paginam inspecturis quod nos Chvnradus dictus Stainchyrcher quinque domos decimales duas videlicet in Holerberch in Manwinchel unam in Leiten unam in Hanchretingen unam ecclesie sancte Marie in Raitenhaslach omni exceptione postposita libere contulimus irrefragabiliter possidendas quoniam prenominatas quinque domos quas a nobis Heinricus Puchsingerius de Purchusa in feodo tenuerat resignatas cum instancia petiit ut ecclesie prehabite conferremus In cuius rei testimonium presentem paginam sigilli nostri robore communimus Datum anno domini millesimo ducentesimo LXXX in octava sancti Andree apostoli Testes vero huius sunt dominus Wernhardus prior frater Chvnradus de Vlma Wernhardus iudex Oetingensis Fridericus dictus Haller civis Purchusensis servi domini abbatis de Raitenh[aslach] Heinricus dictus marscalcus Chvnradus von dem Rotemhause et alii quam plures