Charter Document - 02520234

Ne pestifera malignorum hominum detractio seu labilis fidelium memoria sub incerto nuctuans oblivionis sarculo acta corruere faciat in posterum subnotata nos Heinricus dei gracia comes palatinus Reni dux Bawarie presentis scripti testimonio profitemur et patere volumus universis Christi fidelibus presentem paginam inspecturis quod ad probacionem nostri consensus Vlricus dictus Seifrideswerer una cum uxore sua nomine Offemia spe premii celestis legavit ecclesie sancte Marie in Raitenhaslah sub tytulo proprietatis curiam suam dictam Tanne cum omnibus suis pertinentiis cultis et incultis quesitis et non quesitis addita ibidem decima que de triginta et sex domibus poterit annis singulis provenire licet quatuordecim ex illis domibus fratres monasterii prefati pro duodecim libris Ratisponensium minus sexaginta denariis redimere compellantur Decimam quoque prehabitam quam a domino Salzb[urgensi] archiepiscopo habuit infeodatam ut ecclesie Raitenhaslahensi cedat hec collatio tenebitur resignare Sane tamen memorie commendandum quod pietatem huiusmodi donacionis fratres antedicti loci per infrascripta predia eidem Vlrico necnon uxori sue ad dies tantummodo utriusque vite condicionaliter refuderunt primo curiam in Gramsheim item unam in Albolfinge hvebam unam prope Toerringen aliam in Percheim item duo feoda Hausemeninge tali videlicet pacto quod licet ipsis nati fuerint heredes nichilominus curia superius nominata cum decima post obitum Vlrici atque uxoris sue ad quietam possessionem redeant ecclesie pretaxate Veruntamen de quolibet eis locato predio annis singulis quinque denarios Oetingensis monete persolvere tenebuntur Ceterum quantumcumque per impetitionem qualiumcumque personarum passi fuerint detrimenti in legationibus supradictis tantum resument de prediis que eidem locaverant Volrico Ut autem in omnibus prelibatis fratres monasterii memorati a nullo heredum seu consanguineorum dicti Volrici atque uxoris sue Offemie gravaminis preiudicium sive dispendii calumpniam paciantur sed tranquillitate irrefragabili gaudeant in futurum presentem paginam sigilli nostri karactere fecimus consigniri Huius rei testes sunt dominus Wern[hardus] prior Heinricus cellerarius frater Berhtoldus de Lauffen dominus Wernhardus Zuchswert Wernhardus de Ode dictus Entvelder Chvno frater uxoris Seifrideswerer Rudolfus de Muldorf servi domini abbatis Wernherus Chvno Ghvnradus Heinricus dictus Dehseri Fr[idericus] Chrispelsteter et alii quam plures Acta sunt hec et data anno domini millesimo ducentesimo LXXX Purchuse in die sancti Nycolai