Charter Document - 02520227
| Charter Number: | 02520227 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1277 |
| Date type: | Internal, A.D. |
| Resource Link(s): |
Monasterium.net |
Charter:
Nos Gerungus dei gracia abbas totusque conventus monasterii Medlicensis ad universorum tam presencium quam futurorum noticiam cupimus pervenire quod nos maxime divine remuneracionis intuitu venerabilis in Christo patris domini Chvnradi abbatis monasterii in Raitenh[aslach] eiusque conventus peticioni racionabili annuentes ipsam taliter duximus admittendam quod prout ipsorum peticio continebat IIII areas nondum edificatas sitas in predio nostro Radendorf edificiis muniendi vel non muniendi facultatem habeant liberam immo in dicti abbatis et sui conventus arbitrio penitus resideat arearum institucio predictarum ita si de quinta area instituta quam ibidem habent et census XIIII denariorum et reliqua servicia minuta debita secundum illius predii consuetudinem que videlicet servicia de bonis prenotatis nobis nostro que monasterio annis redderentur singulis si forent edificiis munita integraliter ministrentur et nichilominus specialiter de quinta area instituta annuatim servicium persolvetur In cuius rei testimonium evidens presens scriptum sigillorum nostrorum munimine fecimus roborari cum testibus subnotatis qui sunt dominus Marquardus prior dominus Chunradus camerarius dominus Marchardus capellanus sacerdotes et confratres nostri frater Chvnradus de Wilhering frater Albertus de Raitenhaslach Haertwicus dictus Lvmfhart Rudolfus Nvcleus Hainricus et Hermannus filii Ostermanni Otto dictus Slintenakcher et alii quam plures Acta sunt hec Chrems anno domini MCCLXXVII idus septembr