Charter Document - 02520226
| Charter Number: | 02520226 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1277 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et individue trinitatis Ego Fridericus purcravius de Nvrnberch omnibus fidelibus in perpetuum Quoniam ea que ab antecessoribus nostris ad promocionem ecclesiarum et personarum deo militantium sunt concessa et debemus et volumus non minuere sed augere hoc ipsum feliciter attendentes notum facimus universis quod nos ob reverenciam dei et omnium sanctorum et in redemptionem peccaminum nostrorum et antecessorum necnon et successorum nostrorum ecclesie Cisterciensis ordinis in Raitenhasl concessam et ex antiquo approbatam libertatem et graciam ad instanciam et peticionem viri religiosi Chvnradi tunc abbatis ibidem innovamus videlicet ut fratres illius ecclesie duo talenta salium ampli ligaminis singulis annis semel quando eis placuerit et in ascensu et descensu victualia sua et alia sibi pertinencia in tanta per castrum Nevnburch deferant libertate quod nullus mutariorum aut officialium nostrorum occasione rerum eisdem fratribus pertinencium aliquam mutam seu exactionem requirere audeat vel presumat excepto iure mutariorum quod ad valorem denariorum duodecim estimatur Super hac igitur donationis libertate presentem cartam tradidi sigilli mei karactere insignitam Datum Wienne anno domini MCCLXXVII nono kal iunii