Charter Document - 02520222

Nos Heinricus dei gracia comes palatinus Reni dux Bawarie salutem omnibus fidelibus in perpetuum Plenam fiduciam in domino optinentes si deo devotis ex nostra principali benignitate graciam facimus unde possint commodius sustentari quod proinde divina clementia clementius nostrum stabiliat principatum et in futuro felicitatis nobis bravium condonetur hinc est quod etsi circa omnes religiones nostra dominacio moveatur circa ordinem tamen Cysterciensem tanto specialiori fervore ducitur quanto in rigore religionis ceteris antefertur Sane odoris bone fame allecti dulcedine que de ecclesia in Raeitenhalsla tanquam odor Christi bonus per sacram monastice vite observantiam dulcor ose diffunditur dicte ecclesie iuxta concessam et ex antiquo approbatam libertatem ad peticionem viri religiosi Chvonradi tunc abbatis ibidem de gracia concessimus speciali videlicet ut duo talenta cuparum salis ampli ligaminis libere et sine omni exactione mute sive thelonei per dominium nostrum in quibus quedam loca duximus propriis vocabulis exprimenda videlicet Purchvsen Schardingen et Lintz ducere debeat singulis annis semel quocumque tempore fratribus predicte domus placuerit et ipsis visum fuerit oportunum Nulli igitur nobilium mutariorum iudicum procuratorum seu officialium quocumque nomine censeantur liceat presentem libertatem indultam infringere vel ei cavillosos interpretationibus cum interpretari nostram graciam nos tantum respiciat in aliquo contraire Gravis etiam animadversionis penam incurret qui concessionibus ob salutem nostram detinendo vel extorquendo presumpserit derogare Nec mirum cum specialis favor predicto indulto ab illis impendii debeat qui nostram prosperitatem noscuntur iocundius affectare Si vero quod absit aliquis tam salubris nostri indulti violator extiterit pro sua temeritate penam et nostram indignationem sustinebit nihilominus et ablata cum dampno perpesso restituet ut de peccato quod commisisse noscitur taceamus Ut igitur presenti nostre gracie nullus per detentionem extorsionem in aliquo loco mute vel alicuius iuris petitionis vel consuetudinis audeat novercali in signum plene et libere libertatis presens tradimus instrumentum sigillo nostre excellentie roboratum Dat Purchuse anno domini MCCLXXVI kalen februarii