Charter Document - 02520218
| Charter Number: | 02520218 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1276 |
| Date type: | Internal, A.D., Feast |
| Resource Link(s): |
Monasterium.net |
Charter:
H[einricus] dei gracia comes palatinus Reni dux Bawarie dilectis sibi abbati et fratribus de Raitenhaslah salutem et omne bonum Noveritis quod cum fidelis noster pie memorie Ortlibus de Wald viribus se sentiret destitui peccata sua in foro penitentie cappellano nostro humiliter est confessus et obligationem ecclesie Salczburgensi dimisit liberam et solutam circa obligationes alias ordinando quod sorte evacuata ad verum dominium transferantur de iudicio suo et precipue circa predia vestre ecclesie nostre moderacioni et arbitrio est commissum quod pro bono ecclesie terminabimus iusticia vel amore restituciones et legata maxime vobis provide ordinavit ita quod etiam dominus Pataviensis episcopus sibi porrexit eucharistie sacramentum unde tamquam contritus et absolutus sepulture ecclesiastice est tradendus Et bec omnia filius suus sub publico testimonio approbavit In cuius rei testimonium vobis presentes litteras assignamus Dat Lintz anno domini MCCLXXVI Martini episcopi