Charter Document - 02520212
| Charter Number: | 02520212 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Hainricus et Wernhardus necnon Hainricus iunior de Schoumberch salutem omnibus fidelibus imperpetuum Plenam fiduciam in domino obtinentes si deo devotis ex propria benignitate gratiam facimus unde possint commodius sustentari quod proinde divina clementia clementius nostrum statum stabiliat et in futuro felicitatis nobis bravium condonetur hinc est quod odoris bone fame allecti dulcedine que de ecclesia in Raitenhaslach Cisterciensis ordinis tamquam odor Christi bonus per sacram monastice vite observantiam dulcor ose diffunditur dicte ecclesie ad peticionem viri religiosi Chunradi tunc abbatis ibidem de gratia concessimus speciali ut singulis annis semel unam navim quantumcumque magnam oneratam salibus quocumque tempore placuerit vel utile Visum fuerit libere et sine omni exactione mute sive telonei per mutam nostram in Aschache ducere debeat perpetuo in futurum Ut igitur presenti nostre gratie nullus per detentionem extorsionem in predicto loco mute vel pretextu alicuius iuris peticionis vel consuetudinis audeat novercali in signum plene et libere libertatis presens tradimus instrumentum sigillorum nostrorum munimine roboratum Dat apud Schoumberch anno domini MCCLXXV in vigilia Martini Huius autem rei testes sunt dominus Hertnidus dapifer dominus Ch[unradus] de Furt dominus Ch[unradus] dominus Ludwicus Schiuer Albertus et Hertwicus tunc mutari H[ainricus] iudex H[ainricus] Kerpf et alii quam plures