Charter Document - 02520211
| Charter Number: | 02520211 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1275 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Fridricus dei gracia sancte Salzburgensis ecclesie archiepiscopus apostolice sedis legatus presenti profitemur pagina quod ob reverenciam gloriose virginis Marie et omnium sanctorum ac diligentem instanciam venerabilis in Christo fratris nostri Chunradi abbatis monasterii in Raitenhaslach revocamus integraliter omne ius custodie quod vulgo dicitur gehaia si quod iudices vel officiales nostri se habere asserunt in pratis sitis aput flumen quod dicitur Ysen ubicumque eadem prata sita fuerint sicut etiam quondam a quibusdam predecessoribus nostris extitit revocatum Nolentes igitur dictum monasterium in iamdictis pratis aliqualiter aggravari universis iudicibus et officialibus nostris sub optentu gracie nostre firmiter mandamus ne huiusmodi custodias [] tactum est in eisdem pratis presumant sibi aliqualiter usurpare In cuius rei robur et perpetuam firmitatem has litteras eidem monasterio dedimus nostri sigilli munimine munitas Datum in Mvldorf anno domini MCCLXXV XII kalen augusti