Charter Document - 02520206
| Charter Number: | 02520206 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Chvnradus de Prvkke civis in Salina universorum noticie presentibus notifico quod de consensu Eysenrici filii mei et omnium liberorum meorum legavi ecclesie sancte Marie virginis in Raytenhaslach in remedium anime mee unum macellorum meorum domui mee contiguum tali condicione quod de ipso macello dum vixero pro memoriali legationis huiusmodi denarios quinque solvere teneor annuatim finito autem decursu vite mee cum omnibus usibus et pertinentiis ipsum macellum habebit respectum perpetuo ad ecclesiam memoratam In cuius rei testimonium presentes conscribi et sigillo civium Saline placuit consignari cum testibus vivis Chvnrado Ganser Hainrico Gwalt filio eiusdem Wernhero Ditmaro de Schellenberch et Heinrico de Wietingen salinariis Hainrico Albner Levpoldo notario Salina et aliis fide dignis Actum anno domini MCCLXXV VII kalend marcii