Charter Document - 02520194
| Charter Number: | 02520194 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Decree |
| Date: | 1272 |
| Date type: | Internal, A.D., Feast |
| Resource Link(s): |
Monasterium.net |
Charter:
Ne gesta hominum rationabiliter facta per diurnitatene temporis oblivio tollat congruit ea scripture testi monio perhennari Hinc est quod nos Heinricus de Schavenberch notum esse volumus omnibus hanc literam inspecturis quod donationem sive concessionem ecclesie sancte Marie in Reitenhasla fratribusque ibidem deo famulantibus per nos et Wernhardum fratrem nostrum pie memorie ob remedium animarum nostrarum et progenitorum ac successorum nostrorum factam videlicet quod naves dictorum fratrum ascendentes de Austria ipsorum victualia portantes scilicet vinum frumentum necnon alia victualia in muta nostra Ascha libere pertranseant sine muta perpetualiter excepto iure mutariorum quod ad valorem tantummodo denariorum quatuordecim estimatur cum consensu filiorum nostrorum Wernhardi et Heinrici propter dileccionem et amorem quem ad eundem habemus locum ob reverenciam gloriose virginis Marie necnon ad instanciam domini Chunradi abbatis ibidem venerabilis confirmavimus ipsis donationem prehabitam renovantes Ut autem hec nostra donatio simul et concessio rate permaneant et inconvulse in testimonium et cautelam presentem cedulam munimine sigillorum nostri et filiorum nostrorum Wernhardi et Heinrici prefatis fratribus dedimus roboratam Huius rei testes sunt Hertnydus dapifer Chvnradus de Vuerth Vlricus de Chirchperch Chunradus de Strachen Chunradus Stal Ludewicus Schiver Heinricus de Moering Heinricus de Gybing Fridericus plebanus de Oerthe Heinricus notarius Karolus pedagogus domicellarum de Schavenbercha Hertwicus et Albertus tunc temporis mutarii in Ascha Otto Pheflinus et alii quam plures Acta sunt hec apud Schavnberch anno domini MCCLXXII in vigilia palmarum