Charter Document - 02520190
| Charter Number: | 02520190 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1272 |
| Date type: | Internal, A.D. |
| Resource Link(s): |
Monasterium.net |
Charter:
Felix lucrum cum celestia pro terrenis sempiterna pro temporalibus lucrantur Innotescat igitur presenti scripto cunctis Christi fidelibus tam presentibus quam futuris quod ego Otto de Ror volens comparare vinum aput venerabilem dominum Cvnradum abbatem de Raitenhaselah et ipsius loci fratres in hunc modum conveni cum eisdem quod tam pro vino quam pro remedio anime mee ac predecessorum meorum ipsis contuli de consensu ac manu uxoris mee ac heredum meorum perpetua possessione proprietatem meam quam habui in tribus hiis curiis Tal videlicet et Aichach et medietatem curie que Strelershoven dicitur cum pratis et silvis et omnibus aliis que attinere eisdem curiis dinoscuntur hac addita predictis fratribus cautione ut si forte ipsa proprietas quam in prefatis curiis hucusque habui et prelibatis fratribus contuli ut predixi per formam iuris ab aliquo eisdem fratribus subtrahatur quod hoc debeo ipsis refundere prediis meis plenaria restitutione Insuper quicquid iuris aut impeticionis habui in prediis Mermosarii videlicet Smitten am Lehen Perchaim et aliis que hodie possident renunciavi libere et absolute Huius rei testes sunt frater Hainricus tunc prior frater Chvnradus cellerarius dictus Greter dominus Hainricus miles dictus de Wolfsperger dominus Fridericus miles de Moeringen iudex domini Ottonis de Ror dictus Plvom Hainricus Pvhsinger Fridericus Crispilsteter Lecker Rvodgerus de Cydlarn Chvono de Stadel Wernherus et Siboto servi abbatis et alii quam plures Ut autem hec mea donatio robur firmum habeat et in posterum permaneat stabilis et inconcussa hanc litteram sigillo meo studui communire Acta sunt hec anno domini MCCLXXII aput Raitenhaselah