Charter Document - 02520183
| Charter Number: | 02520183 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1270 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wernhardus dei gracia comes in Lewenberch alciori hominum tam presencium quam futurorum memorie commendamus quod lis habita multo tempore inter ecclesiam de Raitenhaselach et quosdam homines nostros super predio predicte ecclesie in Oberntvobenpach arbitrio discretorum virorum scilicet domini Hainrici decani in Zidlarn et domini Hainrici vicarii in Stamhaim tandem taliter est decisa quod dicti homines nostri solvent annuatim prefate ecclesie in Raitenhaselach de prelibato predio triginta denarios Ratisponensium et hoc in festo sancti Rvodperti episcopi in autumpno nisi eos aut sterilitas terre aut grando aut incendium aut communis terre gwerra tam graviter in eodem predio leserit quod prenominatum censum solvere nequiverint et hoc plebanus qui tunc temporis in Stamhaim fuerit cum duobus vicinis colonis sub attestatione dixerint iuramenti Additum est etiam ut qualicumque anno aliqui predictorum hominum residencium in prefato predio ante pretaxatum festum sancti Rvdperti vel in ipso die eiusdem festi supersederint prenominatum censum antedicte ecclesie solvere quod tales cadant omnimodis a iure suo quod in eodem habere predio dinoscuntur ceteris heredibus iuris sepe dicti predii permanentibus in iure suo Ius vero omnium illorum qui censum suum statuto tempore in festo videlicet sancti Rvdperti non persolverint cedet ecclesie in Raitenhaselach deinceps libere et absolute Ut autem hoc factum debitum robur habeat firmitatis presentem paginam de consensu et voluntate supradictorum hominum nostrorum contradimus ecclesie in Raitenhaselach sigilli nostri munimine roboratam Huius rei testes sunt frater Hainricus de Gvntheringen frater Chvnradus Greterius Hainricus miles de Hoholtingen H[ainricus] filius eiusdem Herwicus de Sivritstorf Ortolfus Visler Wernh[erus] Visler Hainricus de Giebingen Hainricus de Stainpuhel Fridericus de Crispilsteten Siboto servus ecclesie et alii quam plures Acta sunt hec aput Stamhaim anno domini MCCLXX in vigilia apostolorum Petri et Pauli