Charter Document - 02520182
| Charter Number: | 02520182 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1270 |
| Date type: | Assigned |
| Resource Link(s): |
Monasterium.net |
Charter:
Convenit gestis hominum roborandis ut scripturarum serie necnon fidelium testimonio debeant solidari ne prorogatione temporis aut invidorum malicia calumpniam in posterum paciantur Nos ergo Ortolfus dictus de Steringen omnem preiudicii maculam desiderantes fideliter precavere testimonio presencium cunctis Christi fidelibus patefacimus profitendo quod totam decimam quesitam et non quesitam supra et inferius in Weilhardo quam dominus Heinricus miles dictus de Wolfsperch a nobis hucusque iure tenuit feodali ab eodem accepimus voluntarie resignatam tali ex parte ipsius peticionis preambula pactione videlicet quod memoratam decimam pro perpetua conservacione monasterii sancte Marie in Raitenhaslach familie domini Chvonradi venerabilis abbatis dicti loci conferre teneremur tytulo feodali servis scilicet subnotatis Friderico dicto Chrispelsteter necnon filio eiusdem Chvnrado item Dietmaro de Heglere Heinrico mariscalco et Vlrico coco suo Quod et fecimus plena fide cautelam nichilominus aliam sepe dicto cenobio inserentes scilicet quod famuli nominati de consensu et donatione manus nostre prehabitam decimam domino abbati et suo conventui pro sexaginta libris Ratisponensium obligarunt Sane quoque memorie commendandum quod non solum constrinximus nos immo etiam heredes nostros tutores quod vulgariter dicitur gwer existere sepe dicte decime decem annis et uno die contra omnem impetentem personam pro loco et tempore sicut ab eodem tunc collegio fuerimus requisiti Promisimus insuper pro in vestienda domo sua hanc decimam nos resignaturos reverendo domino archiepiscopo Salzburgensi tempore quo ipsis visum fuerit utiliter expedire Adicientes etiam quod quamcumque formam secum conceperint super antedicta decima perpetue firmitatis tenebimur racificare sincero studio et omni opera qua valemus