Charter Document - 02520179
| Charter Number: | 02520179 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1269 |
| Date type: | Internal, A.D. |
| Resource Link(s): |
Monasterium.net |
Charter:
Ne gestarum rerum memoria processu temporis evanescat et pereat discretorum virorum prudencia solet eam per litteras perennare Declaretur ergo presentibus et futuris quod ego Bertherus de Vtendorf iuste et religiose de resurrectione cogitans pro remedio anime mee necnon in remissionem peccaminum meorum cum consensu uxoris mee Chvnegvndis et filie mee eiusdem nominis delegavi ecclesie sancte Marie in Raitenhaslah unam curiam in Bischofstorf obligatorie pro viginti quatuor libris Salzburgensis monete per hos denarios altare in honore sancti Iacobi apostoli dotandum sub tali conditione ut quandocumque Alrammus frater meus aut Chvnegvndis filia mea pretaxatam solvere curiam voluerint plenam habeant facultatem Quo facto ut prelibata predium cum peccunia cupimus comparetur missaque omni septimana pro defunctis pro salute anime mee et parentum meorum ac omnium fidelium defunctorum in perpetuum celebretur Sane notandum quod fratres predicte domus occasione quod medio tempore usque ad redemptionem accipiunt prefate curie servitium nichil tenentur sepe dicta de pecunia relaxare Insuper ego et uxor mea et filia mea Chvnegvndis confirmamus animo benivolo atque grato omnia que pater meus pie memorie Wernhardus sepe dicto cenobio delegavit videlicet curiam unam Maieringene nominatam cum omnibus appendiciis suis et ius piscationis in lacu qui lingua vulgari Ydnerse vocitatur cum predio secus eundem lacum sito cui vocabulum est Seliten in quo piscator residenciam habebit itemque in alio stagno quod vulgo Herretingerse dicitur similiter ius piscationis non pro tempore vel loco sed plenariam quando placuerit piscandi habeant potestatem In cuius rei testimonium et cautelam de consensu uxoris mee atque filie mee Chvnegundis presentem cedulam sigilli mei dedi munimine roboratam Acta sunt hec anno gracie MCCLXIX sub testibus anotatis venerabili Chvnrado abbate de Raitenhaselach fratre Rvodolfo custode loci eiusdem Ortliebo de Walde Wolflino vicedomino illustris ducis Bawarie Friderico de Sigenhaim Ainwico de Salar Herbordo et Wulfingo servientibus supranotati Bertheri de Vttendorf Wernhero et Hainrico de Herichshaim famulis supradicti abbatis et alii quam plures