Charter Document - 02520171
| Charter Number: | 02520171 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1267 |
| Date type: | Internal, A.D., Feast |
| Resource Link(s): |
Monasterium.net |
Charter:
H[einricus] dei gracia palatinus comes Reni dux Bowarie universis sue dicionis officialibus ac ceteris hominibus suis presentes litteras inspecturis graciam suam et omne bonum Eius nos intuitus ad favorem Cysterciensis ordinis et specialiter domus in Raitenhaselah provocat ac inducit cuius melior est misericordia super vite Unde cum ex alternatis impetencium actionibus homines ipsius ecclesie non modica hucusque dispendia sint perpessi nos huic damno remedium adhibere curantes decernimus et presentis scripti tenore precipimus et mandamus ne de cetero ex eisdem hominibus alter inpignoretur pro altero seu trahatur in causam vel ad alterius loci quam in quo residet iudicium evocetur nisi forte sine dolo aut captione de communi sententia id contigerit non ex odio vel rancore set generali iusticia diffiniri Dat in Burchusa anno incarnationis dominice MCCLXVII in vigilia beati Laurentii