Charter Document - 02520170
| Charter Number: | 02520170 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1267 |
| Date type: | Internal, A.D., Feast |
| Resource Link(s): |
Monasterium.net |
Charter:
Omnibus iudicibus hincinde per Austriam constitutis et aliis quibuscumque presentes litteras inspecturis Berhterus de Vtendorfa veritatem defendere cum salute Cum quondam bone memorie pater meus consensu omnium quorum intererat accedente possessiones suas dictas Seliten sitas in districtu illustris ducis Bawarie que sibi et suis progenitoribus universis proprietatis titulo pertinebant venerabilibus in Christo abbati et conventui in Raitenhaselah suoque monasterio donaverit et tradiderit pleno iure simpliciter propter deum perpetuo possidendas quas ipsum monasterium XVIII annis et amplius usque nunc quiete noscitur possedisse super quibus dictus de Wihse salutis sue inmemor et honoris eundem conventum falso et contra iusticiam inquietat asserens dictas possessiones proprietatis sibi titulo pertinere ac idcirco cum sibi iusticia in nostris districtibus hincinde ut fatetur usque nunc sepius sit negata quamvis hoc numquam ab aliquo sit auditum possessiones sepe dicti monasterii sitas in Austria intendit per suggestionem falsam et falsi vobis iudicibus factam vel forsitan faciendam indebite occupare discretionis vestre providentiam et honorem duxi presentibus exorandam quatenus dei ac iusticie intuitu mearumque precum interventu dictum de Wihse ab infestatione sepe dicti monasterii conpescatis presertim cum protestatus sim coram nobilibus terre nostre et vobis presentibus iam protester una cum Ortolfo dicto Zvlle Herrando de Salharn et fratre suo Ainwigo Gebihardo dicto Gaizgebel militibus Gebihardo de Emingen Hainrico dicto Hvober et Haymone iudice meis ministerialibus aliis que quam pluribus probis viris id mecum protestantibus iuramento corporali super hoc a nobis omnibus facto et adhuc si necesse fuerit faciendo predicta omnia et singula esse vera videlicet proprietatem dictarum possessionum ad meos progenitores a retroactis temporibus iusto titulo pertinere ac postmodum donationem supradicto monasterio legaliter esse factam In cuius facti evidentiam presentem cedulam sigillo meo signatam vobis duxi pro testimonio transmittendam offerendo eidem de Wihse ex superhabundanti iusticiam cum in districtibus nostris ut iustum est duxerit requirendam prominens eidem ne timorem rerum et persone valeat allegare in protectionem meam ipsum recipere sub periculo rerum mearum in ascensu et descensu quousque ad propria revertatur Dat anno domini MCCLXVII in vigilia pentecostes