Charter Document - 02520162
| Charter Number: | 02520162 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1262 |
| Date type: | Internal, A.D., Feast |
| Resource Link(s): |
Monasterium.net |
Charter:
Agnes dei gratia comitissa palatina Rheni ducissa Bawarie omnibus presentis pagine inspectoribus salutem in eo qui nos redemit suo sanguine precioso Quia malitia hominum decursus temporum etiam bene gestis solent sepius per contrarium obviare ideo noverint universi presentes scilicet et futuri quod nos ob remedium anime dilecti domini et mariti nostri illustris Ottonis quondam ducis Bawarie felicis recordationis necnon ad perpetue salutis incrementum anime nostre ac omnium liberorum progenitorumque nostrorum singulorum vaccariam nostram in Werde cum omnibus suis appenditiis cultis et incultis quesitis et inquirendis ad altare sancte Marie ecclesie in Reitenhaselac tradidimus pleno iure ut eidem ecclesie in perpetuo servituram In huius itaque rei testimonium et cautelam ut nostra donatio a nullo debeat in posterum perturbari presentem cedulam inde conscriptam nostri et karissimorum filiorum Ludwici et Hainrici illustrium comitum palatinorum Rheni ducum Bawarie sigillorum munimine fecimus communiri Dat Monac anno domini MCCLX secundo in die beati Georgii quinte indictionis