Charter Document - 02520161
| Charter Number: | 02520161 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1262 |
| Date type: | Internal, A.D. |
| Resource Link(s): |
Monasterium.net |
Charter:
Frater Thomas miseratione divina Squillacensis episcopus pro reformatione Salzeburgensis ecclesie ad partes Alamanie a sede apostolica [nuntius] destinatus universis Christi fidelibus presentes litteras inspecturis salutem in domino Inter alia caritatis opera que suis executoribus salutem conferunt animarum magnum est pro accendendis luminaribus in domo domini gratas deo elemosinas erogare Cum igitur dilectus noster in Christo custos monasterii in Ratinaslach Cisterciensis ordinis lator presentium in eisdem luminaribus ad decorem domus dei defectum frequentius patiatur universitatem vestram rogamus monemus et hortamur ap tempta in remissionem vobis peccaminum inrumpentes quatenus eidem custodi pro tam pio opere de bonis vobis a deo collatis pias elemosinas et grata caritatis subsidia erogetis ut per hec et alia bona que de inspirante feceritis possitis ad eterne beatitudinis gaudia pervenire Nos enim de omnipotentis dei misericordia beate Marie virginis et apostolorum Petri et Pauli confisi meritis omnibus vere penitentibus et confessis qui dicto custodi pro predictis luminaribus manum porrexerint adiutricem quadraginta dies de iniuncta sibi penitentia misericorditer in domino relaxamus Dat Burcose idus aprilis anno domini MCCLXII