Charter Document - 02520141
| Charter Number: | 02520141 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1257 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus presentem paginam inspecturis frater W[altherus] dictus abbas in Reitenhaslach vitam bonam et exitum beatum Quoniam decreta mortalium per intervalla temporum agente oblivionis vicio plerumque solent adnullari dignum duximus ad monimentum futurorum apicibus tradere quod miles quidam Wernherus nomine magister coquine domini Salzburgensis archiepiscopi contulit nobis et ecclesie nostre C libras Salzburgensis monete ex quibus necnon et aliis rebus nostris superadditis decimam quandam in Weslberc a comitibus de Mosburc decrevimus comp arare Nos utique cum nobis facultas affuerit eidem Wer[nhero] et heredibus suis quos ipse in privilegio domini archiepiscopi Salzburgensis super hoc negocio confecto declaraverit pro C libris infra montem durum et Humen quod vulgo dicitur Sala tenemur emere redditus X librarum verumtamen quidquid superaddendum est C libris ita ut X librarum redditus possint conparari idem Wer[nherus] et sui heredes tenentur superaddere remota qualibet occasione alioquin si hoc facere neglexerint nos et fratres nostri non tenemur ipsis amplius quam pro C libris predium comparare Medio vero tempore quamdiu tale predium emere tardaverimus supradicto Wer[nhero] et suis heredibus X libras Salzburgensis monete in die sancti Rvberti de salina nostra seu de aliis rebus ecclesie nostre annuatim persolvemus ipsi quoque econverso XXX denarios pro censu nobis persolvent in testimonium quod iamdicti proprietas predii apud nos et ecclesiam nostram noscatur iure perpetuo permanere ita videlicet quod de ipso predio preter consensum nostrum aut successorum nostrorum nec sepe dictus Wer[nherus] nec sui successores quicquam valeant ordinare Ut autem res ista maneat stabilis et semper integra testes adhibuimus Volricum monasterii nostri priorem Heinricum cellerarium Rvodolfum custodem Hermannum camerarium fratrem Cvonradum procuratorem nostrum in salina et ipsius coadiutorem fratrem Cvonradum Insuper presentem paginam sigilli nostri munimine fecimus roborari Acta sunt hec anno domini MCCLVII