Charter Document - 02520138

In nomine sancte et individue trinitatis Nos Otacharus dei gratia dominus regni Bohemie dux Austrie marchio Moravie omnibus fidelibus in perpetuum Quoniam ea que ab antecessoribus nostris ad promotionem ecclesiarum et personarum deo militancium sunt inpensa et debemus et volumus non minuere sed augere hoc ipsum feliciter adtendentes notum facimus universis quod nos ob reverentiam dei et omnium sanctorum et in redemptionem peccaminum nostrorum et antecessorum necnon et successorum nostrorum ecclesie Cisterciensis ordinis in Raitenhasela concessam et ex antiquo approbatam libertatem et gratiam innovamus videlicet ut fratres illius ecclesie in ascensu et in descensu victualia sua et alia sibi pertinentia in tanta per terras et aquas deferant libertate quod nullus murariorum nostrorum aut officialium occassione rerum eisdem fratribus pertinencium aliquam mutam seu exactionem requirere audeat aut presumat excepto iure murariorum quod ad valorem denariorum XII estimatur Super hac igitur donationis libertate presentem kartam insignitam karactere sigilli nostri fratribus memorati loci cum idoneorum annotatione testium duximus porrigendam Testes hii sunt dominus venerabilis electus Philippus sancte ecclesie Salzpurgensis dominus Otto venerabilis prepositus ecclesie eiusdem dominus Otto et dominus Chunradus fratres comites de Playen Gebehardus de Velwen Gerhohus de Radecke Chuno et Otto de Gutrath magister Gotschalcus et magister Willehalmus prothonotarii nostri magister Berhtoldus prothonotarius domini electi Salzpurgensis Heimmericus de Rore et alii quam plures Dat Wiennem anno domini millesimo CC quinquagesimo V indictione XIIII VI kal iulii