Charter Document - 02520137
| Charter Number: | 02520137 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1255 |
| Date type: | Internal, A.D., Calendar |
| Resource Link(s): |
Monasterium.net |
Charter:
L[udewicus] dei gracia comes palatinus Rehni dux Bawarie Noverint universi presentis littere inspectores quod dilectus nobis Waltherus venerabilis abbas de Raitenhasalah aput Popponem de Rehpoching puerum duo predia in Holzheim in Bvssinge duo predia Avperch unum predium Heidt Mad Chobel Pirbach predia pro sexaginta sex libris denariorum liberaliter comparavit que ad usus debent sue perpetuo ecclesie deservire Verum cum dictus Poppo huiusmodi vendicionem propter teneritatem annorum memorato abbati et sue ecclesie non potuerit modo debito confirmare Ortolfus de Leiming et Heinricus de Amarang consanguinei eiusdem Popponis item Chvnradus de Avschawe pro uxore sua sorore videlicet Popponis predicti caucionem fideiussoriam prestiterunt quod procurent cum idem Poppo ad annos discretionis pervenerit sine dolo quod vendicionem bonorum supradictorum ratam habeat et confirmet Quod si factum non fuerit prelibati Or[tolfus] et Heinricus vel alter eorum sepe fato abbati et ecclesie sue omne dampnum quod exinde consecuti fuerint integraliter emendabunt et nichilominus predia quecumque que prelibatus Poppo habuerit titulo pignoris ipse abbas et sua ecclesia donec premissa confirmabuntur omnia possidebunt In cuius rei testimonium presentem litteram scribi fecimus nostri sigilli munimine roboratam Dat Wazerbvrch anno domini MCC quinquagesimo quinto pridie idus iunii XIII indictione