Charter Document - 02520136
| Charter Number: | 02520136 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1255 |
| Date type: | Internal |
| Resource Link(s): |
Monasterium.net |
Charter:
Ego Siboto de Tetilhaim notum facio universis tam presentibus quam futuris quod ego ob reverenciam precelse genitricis dei Marie quatinus peccatrici anime mee pium succursum et auxilium prebeat in extremis devoto cum affectu delegavi et contuli ecclesie in Raitenhaselah duas curias meas Hvnoltingen et Bvochberch et Willehalmum eiusdem curie cholonum cum uxore sua sub tali tytulo condicionis quod ad dies et tempora vite mee in hoc seculo de predictis curiis dimidiam libram denariorum monete Salzburgensis ecclesie prefate persolverem annuatim Itaque cum talem censum ab eisdem prediis per annos aliquod ex solvissem ecclesie memorate cum domino Walthero venerabili abbate de Raitenhaselah et eiusdem cenobii procuratoribus feci et contraxi huiuscemodi commutacionem videlicet quod de predio in Lenzinsberge prefato monasterio attinenti unam libram denariorum Salzburgensis monete usque ad obitum meum reciperem annuatim et econverso ecclesie prememorate fratres tam presentes quam etiam posteri predictas curias Hvnoltingen et Bvochberch cum hominibus pretaxatis iure perpetuo possiderent omnino in eisdem cassato prediis iure meo Postmodum vero cogente quodam articulo neccessitatis quicquid iuris babui in predicto predio Lenzinsberge cum consensu sororum mearum necnon et heredum meorum adhibita voluntate totum vendidi et resignavi ecclesie beate Marie virginis in Raitenhaselahe pro decem libris denariorum monete Salzburgensis Ut autem talis contractus et commutacio nullum in posterum sentire debeat scrupulum retractacionis presentem litteram sigilli domini abbatis de Seon ac domini Waltheri abbatis de Raitenhaselahe appensione necnon et sigilli mei robore communivi Acta sunt hec anno gracie millesimo CC quinquagesimo quinto in festo cathedre sancti Petri apostoli Huius rei testes sunt dominus abbas de Seon dominus Waltherus abbas de Raitenhaselah frater Dietricus prior eiusdem cenobii frater Reinprehtus Chunradus plebanus de Trvohtlichingen Albertus de Trvhtlichingen Lvdewicus servus abbatis de Raitenhaselah Dietmarus servus eiusdem et Rvetaer servus Tetilhaimensis Rehwin de Lenzinsberge et alii quam plures testes ydonei et honesti