Charter Document - 02520133
| Charter Number: | 02520133 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1255 |
| Date type: | Internal, A.D. |
| Resource Link(s): |
Monasterium.net |
Charter:
Universis Christi fidelibus presens scriptum inspecturis frater W[altherus] dictus abbas de Raittenhaslach salutem in domino sempiternam Quoniam quidem tocius humane condicionis memoriam propter peccatum labilem factam certum est cunctis constare mortalibus necesse est ut ea que geruntur a mortalibus testimonio litterarum et voce testium perennentur Notum igitur sit presentibus et sciant posteri quod dominus W[ernherus] magister coquine domini Saltzburgensis episcopi altare in ecclesia beate et gloriose virginis Marie in Raittenhaslach quod in honore omnium sanctorum constructum et consecratum ascribitur pro peccatis suis et uxoris sue et liberorum suorum necnon et omnium parentum suorum duobus prediis suis in Guraboltsberge publice dotavit supplicans devote quatenus lumen secundum nostram consuetudinem ibi ardeat et ut missa pro omnibus fidelibus defunctis cottidie celebretur ibidem Ut autem hoc factum firmum et stabile permaneat in posterum sigilli nostri munimine statuimus roborandum Acta sunt hec anno domini millesimo ducentesimo quinquagesimo quinto