Charter Document - 02520131
| Charter Number: | 02520131 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1254 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Philippus dei gracia Salzburgensis ecclesie electus apostolice sedis legatus universis presentem inspecturis paginam declaramus quod nos ob amorem dilecti in Christo fratris Waltherii abbatis de Reitenhaslach propter cuius obsequia continua que nobis et ecclesie nostre exhibet et exhibuit monasterium sibi commissum speciali promocione volentes respicere et fovere ipsi eidem monasterio omne ius proprietatis quod de mansis tribus in Gumpatenchirch una cum decimis quibusdam in parrochia Perchirch quibus Wipoto et Otto fratres de Torringen a nobis in fedati fuerant ecclesie nostre competebat seu competere videbatur ad resignacionem eorundem fratrum conferimus testimonio huius scripti Donacionem similiter quam dominus Leobardus de Tegerwach de quodam predicto etiam in Gumpatenchirch sito quod et idem a nobis in feudo tenuit iamdicto monasterio in Reitenhaslach pro remedio anime sue fecit confirmantes et fundi proprietatem insuper ei dantes Mansi preterea cuiusdam proprietatem siti in Etchingen que ad ecclesiam spectabat Salzburgensem et curtis in parrochia Perchirch site quam Chunradus de Ysen a nobis et ecclesia nostra habuit iure feudi ad vendicionem et cessionem eiusdem Chunradi supradicto abbati factam et omnium adtinentium eidem proprietatem ex nostra liberalitate conferimus monasterio antedicto Ut autem hec nostra donacio robur optineat firmitatis presens scriptum conscribi et sigilli nostri fecimus munimine insigniri Sunt autem hii testes frater Heinricus Kymensis episcopus dominus Otto prepositus ecclesie Salzburgensis Richgerus abbas sancti Petri magister Berhtoldus notarius curie Salzburgensis dominus Heinricus plebanus sancti Cyriaci Durinchardus et Ditricus sacerdotes dominus Syfridus de Frawenhouen dominus Ortliebus de Walde dominus Chunradus de Goldek dominus Chuno de Torringen et alii Actum huius in Weruen anno domini MCCLIIII X kal iunii