Charter Document - 02520129
| Charter Number: | 02520129 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 |
| Date type: | Internal |
| Resource Link(s): |
Monasterium.net |
Charter:
[I]n nomine sancte et individue trinitatis Omnibus Christi fidelibus in perpetuum Que geruntur in tempore ne labantur cum tempore stili studio solent perennare Ea propter noverint universi tam presentium etas quam futurorum posteritas quod ego Agnes pauper Christi vidua de Vttendorf una cum manu filii mei nomine Berhtheri predium in Celle cum omnibus attinent iis suis cultis et incultis in remissionem peccaminum meorum necnon mariti mei pie memorie domini Wernhardi de Vottendorf aliorumque quos mihi divina fecit coniunctos clementia et ad profectum salutemque anime mee libere plena ac propria ducta devotione contuli beate Marie eiusque ecclesie in Reitenhaslac fratribusque ibidem in deo famulantibus atque famulaturas ea nihilominus conditione ut singulis annis anniversarius nostre honestissime celebretur predictis fratribus usu et iure perpetuo possidendum utriusque sigilli mei scilicet et prenominati filii munitione roboratum subscriptis testibus quorum nomina sunt hec Heinricus de Hoenmose Lvdewicus de Frenchingen Herbordus de Emingen Vlricus de Hune Fridericus de Rischenhart Heinricus de Helphowe et alii quam plures Acta sunt hec anno incarnationis domini MCCLII