Charter Document - 02520127
| Charter Number: | 02520127 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1253 |
| Date type: | Internal |
| Resource Link(s): |
Monasterium.net |
Charter:
Pateat universis presentibus et futuris presentem litteram respecturis quod ego Hainricus Wezmalarius civis Monacensis per manum uxoris mee Adelhaidis et omnium heredum meorum in presencia Heinrici iudicis tunc temporis Monaci contuli deo omnipotenti et sue genitrici gloriose virgini Marie in Raytenhaslach unum cubile in quo merces vendi solent quod habet nunc Chunradus dictus Salczman in annuali censu XII solidorum longorum Monacensium situm infra forum vulgo inter watmangarios et ego Hainricus Wezmaler ab ea ecclesia in Raytenhaslach in feodo illud cubile pro tempore vite mee pro censu annuali decem denariorum in signum quod Raytenhaslach pertineat suscepi tunc mediante viro discreto fratre Ruedolfo de eodem loco ita subiuncto ut me decedente census dimidius predicte ecclesie spectet uxore insuper mea moriente in parte et in toto non habito aliquo respectu ad meos heredes suprascriptum cubile transeat in eiusdem ecclesie utilitatem Et ut hoc ratum permaneat et inconvulsum presens scriptum nostri sigilli munimine duximus roborandum Huius rei testes sunt Pertholdus quondam iudex Chunradus Gebhart Conradus Comes Gonradus Torer Menhardus Vohgoher Conradus Hergoltpersger Conradus Pecel Ainuuicus Vnger Sander Conradus Fosso iunior Fosso et alii quam plures Acta sunt hec anno domini MCCL tercio feria VI ante dominicam Domine ne longe XI indiccionis