Charter Document - 02520124
| Charter Number: | 02520124 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1251 |
| Date type: | Internal |
| Resource Link(s): |
Monasterium.net |
Charter:
In nomine sancte et individue trinitatis amen Ego Siboto de Tetilhaim inspiratione dei omnipotentis cuius providentia totum genus humanane gubernatur et regitur in quo sumus vivimus atque movemur contuli ecclesie sancte Marie in Raitenhasla ex proprietatibus hereditatum mearum duas curias Hvonolting et Pvochperch nominatas tali condictione iure perpetuo possidendas scilicet ut me super vivente eedem curie annuatim quevis illarum LX denarios iam dicto cenobio persolvat Sed cum communem humano generi diem fuere functus extremum sepe dicti monasterii habitatores me sicut fidelem christianum in locum cimiterii sui communi sepulture tradendum recolligant adiuncta etiam uxore mea B cuius consilio et favore talia facta processum habuerunt et sic demum post obitum meum iterum dicti cenobite curias memoratas cum adtinentiis earum cultis et incultis agris pratis silvis competis necnon hominibus ibidem residentibus in generatione sua libere et absolute in suas possessiones deducant Enimvero quia generatio preterit generatio advenit et fatum labilis memorie super filios hominum in progenies alteras per successiones temporum descendentes invalescit huius rei coniecturam ob diu durabilem literarum contestationem presenti scripto munimineque sigilli mei feci roborari Ad maiorem autem huius facti tendentiam testes ydonei qui huiuscemodi pactioni conventionis interfuerunt subter annotati sunt Chvono de Teching Albertus de letenpach ministeriales fideles consanguinei mei Hartmannus de Tuetelhusen Hainricus de Witherting milites F de Partirhusen Magins de Rvdolfsdorf et alii quam plures Acta sunt hec anno gratie MCCLI sub venerabili domino Walthero abbate illustri duce domino O[ttone] feliciter regnante Bawariam totius orbis atque poli monarchiam tenente domino nostro Iesu Christo qui est deus benedictus in secula seculorum amen