Charter Document - 02520116
| Charter Number: | 02520116 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1249 |
| Date type: | Internal, A.D., Calendar |
| Resource Link(s): |
Monasterium.net |
Charter:
Philippus dei gracia electus ecclesie Salzburgensis apostolice sedis legatus universis presentem paginam inspecturis perpetuum eius vigorem Cum caritatis sit officium piis locis salubriter providere nos attendentes tenuitatem redituum monasterii in Raitenhaslach cuius fundacio ad nostram spectat ecclesiam necnon devocionem dilectorum in Christo Waltheri abbatis et tocius eiusdem monasterii conventus qua ipsos Romane ecclesie ac nobis nostreque ecclesie affectuosis cognovimus obsequiis adherere ecclesiam quandam nomine Perchirchen quam clare memorie predecessor noster Eberhardus quondam archiepiscopus Salzburgensis ad ampliandos dicti monasterii redditus ipsis abbati et conventui ad prebendas eorum perpetuo deputavit eidem deservire monasterio perpetuo non obstante excommunicacionis vinculo si quo idem predecessor noster tunc temporis fuerit innodatus auctoritate presencium de consensu nostri capituli confirmamus plenam eis dantes similiter potestatem ut ad arbitrium eorum personam ydoneam in eadem ecclesia instituere ipsis liceat prebendam sibi conpetentem perpetualiter deputando Et in huius confirmacionis et ratihabicionis testimonium evidens presentem paginam conscribi fecimus nostrique sigilli munimine roborari Sunt eciam huius [rei] testes Ditricus et Chunradus fratres ordinis predicatorum Vlricus plebanus in Mallentin archidyaconus iuxta Traham magister Heinricus notarius canonicus Frisacensis Chunradus comes in Wazzerburch Chunradus de Goldeke Gebhardus de Velwen et alii quam plures Dat huius in Mittersel anno domini MCCLVI kal ian VIII indictione