Charter Document - 02520099
| Charter Number: | 02520099 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1244 |
| Date type: | Internal, A.D. |
| Resource Link(s): |
Monasterium.net |
Charter:
Ego Gotfridus plebanus in Moringen et cappellanus O[ttonis] illustris comitis palatini Reni ac ducis Bawarie universis hanc paginam inspecturis in salutaris auctore salutem Quia labilis est hominum memoria necesse est ut ea que inter ipsos aguntur testium vel scripturarum ameniculo posterorum noticie commendentur Ideo patere cupio tenore presencium universis quod venerabilis Eberhardus archiepiscopus Salzburgensis de meo consensu et plenaria voluntate de parrochia Moringen tredecim domos scilicet in Opperch unam an dem Houen unam Casteige unam Chopel duas ov der Ode unam da zem Weishel unam da zen Eichen unam ov der Tanzenstad unam ov der Knukhenmer Ode unam in dem Birchehe unam in dem Grunde unam Seueld unam que iure parrochiali ad ecclesiam pertinebant predictam parrochie sancte Marie in monte iuxta cenobium Reitenhaselach ordinis Cisterciensis pro eo quod eidem ecclesie situ erant viciniores assignavit iure perhenni et ut eandem ecclesiam habeant pro matrice requirentes ab ea omnia ecclesiastica sacramenta cum subiectione parrochiali ac obediencia debita et devota Ut igitur hec ordinatio de meo consensu et voluntate facta nulli in dubium veniat et perpetuo gaudeat robore firmitatis paginam presentem sigilli mei carachtere volui comunire Acta autem sunt hec anno ab incarnatione millesimo CCXLIIII indictione secunda