Charter Document - 02520091
| Charter Number: | 02520091 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1242 |
| Date type: | Internal, A.D., Calendar |
| Resource Link(s): |
Monasterium.net |
Charter:
Eberhardus dei gracia Salzburgensis archiepiscopus apostolice sedis legatus dilectis in Christo fratribus abbati et conventui sancte Marie in Reitenhaselach salutem cum fraterna in domino caritate Ea que ad ecclesiarum commodum et profectum et maxime religiosis domibus provide disponi poterunt eo amplius constat existere laudabilia quanto in hiis devote famulancium obsequia sine cessatione exhibita domino sunt accepta Sane licet de mero iure laicalibus personis decimas quocumque titulo possidere non liceat utpote ecclesiasticis etiam ex veteri lege per dominum deputatas et ob hanc causam ipsi laycie tamquam eas de iure non habentes in nullius possint transferre dominium nos tamen cum consuetudo invaluerit ipsos laycos in nostra nobisque vicinis provincia decimas habere vobis ut decimarum donaciones collegio vestro a personis laycalibus licite possint fieri per tenorem presencium auctoritate legationis apostolice indulgemus Et ut hec circa vos nostra dispensatio rata maneat et inconcussa presentem paginam super ea fraternitati vestre donavimus bulle nostre munimine consignatam Act anno dominice incarnationis MCCXLII XVI kal decembris indictione prima data apud Muldorf eodem anno et eodem die