Charter Document - 02520088
| Charter Number: | 02520088 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1242 |
| Date type: | Internal |
| Resource Link(s): |
Monasterium.net |
Charter:
Otto dei gratia comes palatinus Rheni dux Bawarie presens scriptum intuentibus salutem Cum pleraque gesta hominum et contractus ex oblivionis vicio et iniquorum hominum perfidia sepius videantur debilitari necesse est ut ea que posteris relinqui volumus litterarum testimonio confirmemus Hinc est quod notum facimus universis presens scriptum intuentibus quod concambium quod factum est inter dilectum nobis conventum de Raitenhasla et plebanum de Haiming pro predio quod dicitur Eisching et portum qui dicitur Schuzing ratum volumus habere et inconcussum Ne vero quisquam huic pacto valeat obviare presentem paginam sigilli nostri munimine decrevimus roborari Dat apud Odingam anno domini MCCXLII in die sancti Martini