Charter Document - 02520086
| Charter Number: | 02520086 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1242 |
| Date type: | Internal, A.D., Calendar |
| Resource Link(s): |
Monasterium.net |
Charter:
Rudegerus dei gratia Patauiensis episcopus universis ad quos presens littera pervenerit salutem in domino Dilecti in Christo fratres abbas et conventus in Raittenhasilah ex una parte et plebanus de Haiminge ex altera ad nostram presentiam accedentes a nobis humiliter postularunt ut commutationem bonorum subscriptorum quam simul contraxerunt admittere dignaremur presertim cum eadem permutatio profectibus ecclesie partis utriusque et utilitatibus expediret Est enim talis dictus conventus prefato plebano hubam unam in Eisschin cum suis attinentiis tradidit et donavit prefatus vero plebanus vice commutationis et recompensationis predium in Schvzzinge et agrum ibidem et passagium ibidem quod vruar vulgariter appellatur donavit dicto conventui possidenda Nos igitur considerata utilitate ecclesie utriusque petitionibus quoque partium predictarum satisfacere cupientes ipsam commutationem auctoritate litterarum presentium confirmamus Ne autem in eadem commutatione presumptuosa temeritate alicuius possit in posterum aliquid immutari presentem paginam conscribi et sigillo nostro communiri fecimus ad cautellam Data aput Tittmenninge anno domini millesimo CCXLIII non iunii