Charter Document - 02520084
| Charter Number: | 02520084 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1242 |
| Date type: | Internal, A.D. |
| Resource Link(s): |
Monasterium.net |
Charter:
Ego Ratoldus castellanus in Tyspach omnibus Christi fidelibus in perpetuum Quoniam occasione oblivionis multa bona et necessitati hominum utilia videntur deperire ideoque quecumque volumus prompta semper ac parata habere scriptis potius quam memorie sunt commendanda Hinc est quod presentibus scriptis universos noscere desidero Christianos qualiter ego unacum matre mea nomine Iutta aliisque fratribus meis pio favore assentientibus predia quedam sita in montanis quorum nomina sunt hec primum vocatur vulgo vt dem reinen secundum Lengenmose in remedium anime pie memorie patris mei Zacharie necnon et animarum nostrarum mee scilicet ac dicte matris fratrumque meorum sollempni donatione deo ac beate Marie in Reitenhasela fratribusque ibidem deo famulantibus contulimus libere ac quiete perpetuo possidenda Et ne aliquis umquam devotionem presentis donationis infringere audeat testes subscriptos annotamus dominum Fridericum plebanum de Tyspach cuius sigillum appendimus Heinricum sacerdotem ipsius Fridericum Semannum Harpertum de Aheimh Ottonem de Tyspach Chunradum de Prunne Chunradum de Stadel Vlricum balneatorem Chunradum de Pircha Acta sunt vero hec anno domini MCCXLII aput Tyspach