Charter Document - 02520080

In dem namen der heiligen vnd vntailsamen driualtikait Conrad von gottes genaden graf zw Basserburg allen kristen menschen hayl in ewichait Wann von gunst gotlicher guetikait die suendt dy mit wirdiger chesstigung von allen menschen durch leibliche pueß mugen mit nichtte gerainigt gebessert auch betwungen werden dann durch gebung der almosen geleich vnd mit willen der gewaltigen vnd maechtigen mannen die solichen Sachen verguennend wann sy daz moechtten von vernuft wol gehindern vnd irren wesunder so peweysent si sich in solichen sachen merar vnd willig guennere geleichsam dy gebaer wann sy empfahund sind den Ion vnd mugen auch nemmen gerechtte pessrung Darumb haben wir billich vnd wirdig geschaeczt vnd thun kund offenl[eich] allen menschen den der gegenburttig brief fuerkuembt daz wir berarten vnd gueetigen willen vnd gunst darczue geben daz all dienstlawt ritter oder welicherlay menschen dy vns zuegehorend ir erb und gut aufligund oder varund nach irem vermuegen gannczen gewalt vnd freyhait habent ze geben der kirchenn vnnserer lieben frawn Marie zu Raitenhaslach