Charter Document - 02520078
| Charter Number: | 02520078 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et individue trinitatis Ego Fridericus dei gratia dux Austrie et Styrie et dominus Carn[iole] omnibus fidelibus in perpetuum Quoniam ea que ab antecessoribus nostris ad promotionem ecclesiarum et personarum deo militantium sunt impensa et debemus et volumus non minuere sed augere Hoc ipsum feliciter attendentes notum facimus universis quod nos ob reverentiam dei et omnium sanctorum et in redemptionem peccaminum nostrorum et antecessorum necnon et successorum nostrorum ecclesie Cisterciensis ordinis in Raitenhasla concessam et ex antiquo approbatam libertatem et gratiam innovamus videlicet ut fratres illius ecclesie in ascensu et descensu victualia sua et alia sibi pertinentia in tanta per terras et aquas deferant libertate quod nullus mutariorum aut officialium nostrorum occasione rerum eisdem fratribus pertinentium aliquam mutam seu exactionem requirere audeat aut presumat excepto iure mutariorum quod ad valorem denariorum xii estimatur Super hac igitur donationis libertate presentem kartam insignitam karactere sigilli nostri fratribus memorati loci cum idoneorum annotatione testium duximus porrigendam Testes hii sunt dominus noster episcopus Patauiensis Rudegeruse Gerboto prepositus sancti Nicolai Vlricus Salzpurgensis cellerarius magister Liupolduss plebanus Wiennensis Liupolduse plebanus de Heimburch magister Vlricus plebanus de Chirchperch Heinricus plebanus de Lobchirchen Otto notarius Hertwicus plebanus de Strubing Heinricus de Merswanch Chunradus marschalcus Chunradus de Schowing et alii quam plures Dat apud Medlicum castrum anno ab incarnatione domini MCCXL indictione XIII VIII kal octobris