Charter Document - 02520077
| Charter Number: | 02520077 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1240 |
| Date type: | Internal |
| Resource Link(s): |
Monasterium.net |
Charter:
Gregorius episcopus servus servorum dei dilecto filio abbati de Raitenhaslach Cisterciensis ordinis Salzeburgensis dioecesis salutem et apostolicam benedictionem Dilectus filius nobilis vir dux Bawarie de salute sua sollicitus nobis humiliter supplicavit ut cum ipse ad exercendas in terra sua malefactorum vindictas nonnumquam aliqua facere compellatur de quibus anime sue timet periculum imminere super hoc ei paterna curaremus sollicitudine providere Ideoque discretioni tue per apostolica scripta mandamus quatinus audita super hiis confessione ipsius iniungas eidem pro suorum excessuum qualitate penitentiam salutarem Quod si forte pro incendio aut iniectione manuum in clericos seu personas ecclesiasticas violenta laqueum excommunicationis dux predictus noscitur incurrisse auctoritate nostra sibi beneficium absolutionis iuxta ecclesie formam impendas proviso quod iniuriam et dampna passis satisfaciat competenter Dat Lateran II idus martii pontificatus nostri anno tertiodecimo