Charter Document - 02520072
| Charter Number: | 02520072 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Renewal |
| Date: | 1235 |
| Date type: | Internal |
| Resource Link(s): |
Monasterium.net |
Charter:
In nomine sancte et individue trinitatis Ego Otto dei gratia palatinus comes Reni et dux Bauuarie omnibus fidelibus in perpetuum Quoniam deo annuente et id ipsum sua nobis dignatione abundantius hoc suggerente nichil horum que avus meus necnon et dilectus pater meus successor suus pro reverentia et honore omnipotentis dei et beate virginis Marie genitricis sue et omnium sanctorum pro redemptione animarum suarum statuerunt et datis privilegiis conservanda perpetuo confirmaverunt annullare vel retractare nec volumus nec debemus quin etiam ut benefactorum ipsorum communionem in presenti simul et in futuro habeamus quecumque illi fideliter et devote suis fecere temporibus hec eadem et nos donatione privilegii et inpressione sigilli nostri confirmare curabimus videlicet ut fratres de Reitenhasela liberum [transitum habeant] in Leubenov et in Burchovsen vel ad quemcumque locum eadem muta iussu ducum Bawarie in futuro transferatur sine diminucione iuris fratrum predictorum fiat Et quia volumus ut elemosina nostra libera sit et plenaria mutariis interdicimus omnem de eisdem venerabilibus fratribus exactionem Quod si quisquam eorum predictos fratres contra hec nostra instituta ullo modo angariaverit vel ab incepto itinere quocumque modo retardaverit quinquaginta libras argenti in cameram nostram pro tali presumptione appendat salvo iure fratrum permanente nostraque inviolabili donatione deinceps perseverante Horum testes sunt Otto comes de Gruonpach Hooldus de Nihdec Siwridus de Wrovenhouen Pertoldus pincerna Gotfridus capellanus Fridericus de Chemenaten et Cunradus frater suus Conradus purchrauius de Plagin Erwicus et Otto servi abbatis de Raitenhasela et alii quam plures Acta sunt hec peticione illustris ducisse Agnetis anno ab incarnacione domini MCCXXXV indictione VIII regnante domino nostro Iesu Christo in secula