Charter Document - 02520071

In nomine sancte et individue trinitatis [] Ego Eberhardus dei gratia Salzpurgensis archiepiscopus apostolice sedis legatus omnibus fidelibus Christi in perpetuum Nos quidem qui Salzpurgensem ecclesiam deo auctore suscepimus regendam exigente officii nostri debito omnibus eiusdem ecclesie filiis communem inpendere debemus sollicitudinem specialem tamen hiis pre ceteris exhibere tenemur dilectionem qui spiritali militie totaliter sese devoverunt et divinis obsequiis amore eternorum ferventius insistunt Ea propter noverint omnes fideles nunc existentes et in generatione altera eis succedentes nos pro reverentia et honore omnipotentis dei et beate Marie perpetue virginis dignas fratrum petitiones in Raitenhaselach pie exaudisse et decimas suas quas ex benivolentia et munificentia Romanorum pontificum iam diu privilegiatas quiete possederunt easdem etiam decimas et nos pari devotione unacum eis assensu canonicorum in Salzpurch necnon et ministerialium nostrorum predictis fratribus contradimus apostolica pridem auctoritate confirmatas firmius confirmamus Sane hiis dumtaxat terris intelligi volumus que ad Salzpurgensem pertinent dyocesim et quas hic nominatim scriptis exprimimus Windeberge videlicet Chunratingen Harde Lengental Eringen Shuzzingen quas usque ad tempora nostra quiete et legitime possidendo deduxerunt Insuper et nos respectu divine gratie adicimus ut de predictis terris nullas decimas reddere a quoquam cogantur sive easdem terras per se vel per colonos suos excolere decreverint Porro si per taxatas terras agricolis eos locare contigerit volumus ut debitam subiectionem antedicti agricole rectoribus earumdem ecclesiarum in quarum parochiis mansionem acceperunt humiliter ac fideliter exhibeant nec se a iure parrochiali exemptos pretextu huius occasionis ullo modo noverint sed vota sua oblationes quoque et redemptiones animarum suarum more ecclesiastico sacerdotibus suis exceptis decimis integraliter persolvant nec divina sibi suisque facienda aliunde nisi a propriis sacerdotibus eorumque vicariis temerarie requirant Ut ergo nostre concessionis donatio rata et inviolabilis conservetur paginam istam conscribi et sigilli nostri appositione eam insigniri iussimus Igitur si qua ecclesiastica secularisve persona confirmationis nostre instituta infirmare vel retractare voluerit omnipotentis dei et sancti Rvoberti confessoris indignationem et districtam animadversionem in presenti et in futuro procul dubio sustinebit + Ego Eberhardus Salzpurgensis archiepiscopus ss Ego Albertus Salzpurgensis prepositus ss Ego Hartfridus ss Ego Volchmarus subscripsi Ego Hartwicus ss Ego Chunradus ss Ego Albertus decanus ss Ego Willehalmus ss Ego Hainricus ss Ego Gothscalcus ss Ego Engelmarus ss Ego Heinricus ss Ego Rudgerus ss