Charter Document - 02520066
| Charter Number: | 02520066 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | |
| Date: | 1222 - 1232 |
| Date type: | Assigned |
| Resource Link(s): |
Monasterium.net |
Charter:
Gebbardus dei gratia Pataviensis episcopus omnibus presentem paginam inspecturis salutem in eo qui est vera salus Ne presentis etatis negocia consumat oblivio litterarum solent testimonio confirmari Ad noticiam itaque perveniat omnium presentem paginam intuencium quod iuxta peticionem dilecti nobis in Christo fratris abbatis in Raitenhasla et conventus eiusdem ecclesie indulsimus iamdicte ecclesie ut singulis annis navem unam salis Patavie preter mvotam et preter omne ius quod de navibus salem deducentibus Patavie nobis solet impendi libere devehat et deducat Et ne aliquis tali concessioni nostre in posterum contraire presumat presentem paginam sygilli nostri impressione decrevimus roborare