Charter Document - 02520065
| Charter Number: | 02520065 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1222 |
| Date type: | Internal, Calendar, Episcopal |
| Resource Link(s): |
Monasterium.net |
Charter:
In nomine sancte et individue trinitatis Ego Gebhardus dei gratia Pataviensis episcopus omnibus Christi fidelibus in perpetuum Nos qui deo auctore cum pastorali sancte Pataviensi ecclesie deservimus congruum est ut benefacta venerabilium antecessorum nostrorum Pataviensium pontificum videlicet Wolfkeri Popponis Manegoldi et Vdalrici piis eorum exemplis incitati quantum possumus pro modulo nostro imitemur et iusticiam fratrum de Reitenhasela in remissione pedagii quod vulgo mutta dicitur quam nobis in representatione privilegiorum ipsorum in presencia chori nostri necnon et Pataviensium ministerialium satis evidenter probaverunt pie recognovimus et liberum navibus eorum Patavie transitum in ascensu sive descensu una cum eis perpetuo indulsimus Precipimus eciam sub districtione omnipotentis dei et extremi examinis auctoritate quoque beati Stephani protomartyris patroni nostri ne aliquis officialium nostrorum vicissim sibi in hoc officio succedencium aut aliqua spiritalis secularisve persona predictos fratres inquietare presumat et contra nostre confirmationis instituta aliquam in eos exactionem faciat Nam ut hec rata permaneat et inconvulsa in futura tempora sigilli nostri impressione communimus et testium subscriptione firmius roboramus Sunt autem hii testes Otto decanus Chalhohus Churadus tum plebanus magister Heinricus Chrafto Vlricus couertelus canonici Hademarus Leutoldus Otto de Morspach Pilgrimus de Tanneber ministeriales Chunradus iudex Albertus Chunradus Goltstain Vlricus Hutstoch et alii quam plures Dat Patavie octava kal iunii pontificatus nostri anno primo