Charter Document - 02520055

Fridericus secundus divina favente clementia Romanorum rex et semper augustus et rex Sicilie Regalis excellentie immensa benignitas cum de benivolentia solita omnibus beneficiorum suorum gratiam impendere studeat illis tamen qui specialius se divinis obsequiis propter retributionem perpetuam manciparunt tam in defensionis manu quam in beneficiorum impensione providere affectuosius consuevit ut dum temporalibus bonis adiuti fuerint celestia fiducialius appetant et pro salute nostra et tranquillitate imperii orare devotius teneantur Verum quia ordinem Cisterciensem per aliis ordinibus propter devotionem religiosorum in eo degentium qua iunguntur artius creatori defendere et ampliare intendimus fratres et domum de Reitenaslach eiusdem ordinis sub nostra protectione suscipimus confirmantes eis quicquid liberalitate regum donatione principum sive comitum vel liberorum aut ministerialium seu cuiuscumque conditionis hominum ipsis actenus collata fuerunt vel in reliquum conferentur Inter alia vero specialiter confirmamus eisdem salinum de Mulbach quam eisdem dilectus noster Salsburgensis archiepiscopus Eber[hardus] peticione chori sui et consensu ministerialium suorum legitime contulit et dato privilegio stabilivit in succidendis videlicet lignis deducendisque per adiacentes saline fluvios absque tributi persolutione et iura omnia salinario orum fodinam scilicet renovandi salem vendendi et quocumque ipsis placuerit ad ipsorum utilitates deducendi et omnes libertates ab eodem archiepiscopo ipsis concessas eis iure perpetuo confirmamus Volumus insuper ut augeam Vietenowe quam dux Bauarie Lvdowicus eisdem contulit quiete possideant quam eis cum eodem dante damus sed et omnia que tam ab ipso quam a cuiuslibet conditionis persona possident in donatione prediorum suorum vinearum pascuarum salinarum piscariarum decursuum aquarum molendinorum lignorum ex adiacentibus nemoribus sive silvis ad nutrimentum ignis eisdem fratribus imperpetuum presenti privilegio stabilimus Nulli ergo hominum contra hanc nostre confirmationis paginam liceat ausu temerario contraire cui nostri sigilli impressio perenne tribuit firmamentum Quod si quis contra eam aliquid presumpserit attemptare centum libris auri mulcabitur medietas dampna passis medietas vero fisco nostre camere deputanda Testes huius rei sunt C[onradus] Constansiensis episcopus V[lricus] abbas sancti Galli H[einricus] abbas Augensis E[berhardus] abbas de domo Petri V[lricus] comes de Kiburg B[urchardus] comes de Hohenberg Frider[icus] comes de Zoller Manegoldus comes de Nellenburg Bertoldus comes de sancto Monte S[weicerus] de Gondolfingen Albertus de Butilsoizen et Bertoldus frater eius Anshelmus de Iustingen imperialis aule marescalcus Ebirardus dapifer de Tanne et Bertoldus frater eius Rodulfus de Ramesperg et alii quam plures Signum domini Friderici secundi Romanorum regis invictissimi et regis Sicilie Ego Conradus Metensis et Spirensis episcopus imperialis aule cancellarius vice domini Sifridi Maguntini archiepiscopi et totius Germanie archicancellarii recognovi Acta sunt hec anno ab incarnatione domini millesimo CCXVI indictione IIII regnante domino Friderico secundo Romanorum rege et Sicilie glorioso anno regni eius IIII dat Constan[tie] idus iulii