Charter Document - 02520054
| Charter Number: | 02520054 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | |
| Date: | 1215 - 1221 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Ego Viridis dei gratia Patauiensis episcopus omnibus Christi fidelibus [] salutem in perpetuum Nos qui domino deo auctore cura pastorali sancte Patauiens[i] ecclesie licet inmeriti deservimus congruum est ut benefacta venerabilium antecessorum nostrorum Patauiensium pontificum domini videlicet Wolfgeri postmodum Aquilegensis patriarche suique successoris domini Popponis necnon predecessoris nostri pie recordationis domini Manegoldi piis ipsorum exemplis excitati quantum possumus pro modulo nostro innitemur Unde iusticiam fratrum de Reitenhasela in remissione pedagii quod vulgo dicitur mvta quam nobis in representatione privilegiorum ipsorum in presentia chori nostri et ministerialium nostrorum et ii civium satis evidenter probaverunt pie recognovimus et liberum navibus predictorum fratrum victualia sive alia quecumque ad ipsos proprie spectantia portantibus Patauie transitum concessimus perpetuo eo maxime intuitu quatinus orationibus ipsorum apud deum et sanctam dei [] genitricem Mariam misericorditer adiuvemur Statuimus ergo et sub districtione omnipotentis dei et extremi examinis auctoritate quoque beati Stephani prothomartyris patroni nostri et nostra districte precipimus ne aliquis officialium nostrorum vicissim sibi in hoc officio succedentium aut aliqua spiritalis secularisve persona predictos fratres in bonis eorum ausu temerario inquietare presumat et contra benigna nostre confirmationis [] instituta aliquam in eos faciat exactionem Ut autem hec nostre benignitatis traditio predictis fratribus nostris nostrorumque successorum temporibus stabilis et inconvulsa permaneat presentem paginam inde conscribi et sigilli nostri inpressione cum testibus subnotatis precepimus firmius roborari Testes Otto decanus Hertnidus prepositus Gotfridus archidyaconus magister Hainricus Ebirhardus de lahinstorf Rvdolfus et Chunradus scribe curie Otto de Morspachs Siboto de sancto Vlrico Chunradus de Siehdorf Gerhardus iudex Karulus subiudex Ekardus et frater eius de Fvorth Heinricus incisor Heinricus de Marhgazzen Paldricus et alii quam plurus tam de choro quam de civitate