Charter Document - 02520049

In nomine sancte et individue trinitatis Ego Eberhardus dei gratia Salzburgensis archiepiscopus apostolice sedis legatus [] omnibus fidelibus Christi in perpetuum Nos quidem qui Salzburgensem ecclesiam deo auctore suscepimus regendam exigente oficii nostri debito omnibus eiusdem ecclesie filiis communem impendere debemus sollicitudinem specialem tamen his pre ceteris exhibere tenemur dilectionem qui spiritali milicie totaliter sese devoverunt et divinis obsequiis amore eternorum ferventius insistunt Ea propter noverint omnes fideles nunc existentes et in generatione altera eis succedentes nos pro reverentia et honore omnipotentis dei et beate Marie perpetue virginis dignas iratrum peticiones in Reitenhaselach pie exaudisse et decimas suas quas ex benivolentia et munificentia Romanorum pontificum iam diu privilegiatas quiete possederunt easdem etiam decimas et nos pari devotione una cum eis predictis fratribus con tradidimus apostolica pridem auctoritate confirmatas firmius confirmamus Sane de his dumtaxat terris intelligi volumus que ad Salzburgensem pertinent dioecesim et quas hic nominatim scriptis exprimimus Windenberge videlicet Chunrattingen Harde Lengental Eringen Scuzzingen quas usque ad tempora nostra quiete et legitime possidendo deduxerunt Insuper et nos respectu divine gratie adicimus ut de predictis terris nullas decimas reddere a quoquam cogantur sive easdem terras per se vel per colonos suos excolere decreverint Porro si pretaxatas terras agricolis eos locare contingerit volumus ut debitam subiectionem antedicti agricole rectoribus earumdem ecclesiarum in quorum parrochiis mansionem acceperunt humiliter ac fideliter exhibeant nec se a iure parrochiali exemptos pretextu huius occasionis ullomodo noverint sed vota sua oblationes quoque et redemptiones animarum suarum more ecclesiastico sacerdotibus suis exceptis decimis integraliter persolvant nec divina sibi suisque facienda aliunde nisi a propriis sacerdotibus eorumque vicariis temerarie requirant Ut ergo nostre concessionis donatio rata et inviolabilis conservetur paginam istam conscribi et sigilli nostri appositione eam insigniri iussimus Igitur si qua ecclesiastica secularisve persona confirmationis nostre instituta infirmare vel retractare voluerit omnipotentis dei et sancti Rovdberti confessoris indignationem et districtam animadversionem in presenti et in futuro procul dubio sustinebit + Ego Eberhardus Salzbvrgensis archiepiscopus ss + Ego Albertus Salzburgensis prepositus ss + Ego Albertus decanus ss + Ego Engelmarus ss + Ego Hartfridus ss + Ego Willehaimus ss + Ego Hainricus ss + Ego Hartvvicus ss + Ego Hainricus ss + Ego Rovdigerus ss + Ego Chvnradus ss + Ego Gotsalcus ss + Ego Volcmarus ss