Charter Document - 02520048
| Charter Number: | 02520048 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1207 - 1219 |
| Date type: | Assigned |
| Resource Link(s): |
Monasterium.net |
Charter:
In nomine domini nostri Iesu Christi Ego G[otefridus] dei gratia Agemundensis abbas omnibus fidelibus in perpetuum Noverint universi conscriptionis nostre paginam lecturi quod ego G[otefridus] communicato capituli nostri consilio aream unam in Salzpurc domui nostre contiguam tradidi fratribus in Ratenh[aselach] eo interveniente pacto ut annuatim constitutam nobis inde solvant pensionem xxii denariorum providentes nobis in futurum in hoc ne ecclesia nostra iure suo privetur in alienam transeundo possessionem Igitur ne aliquis successorum nostrorum fraternitatis nostre beneficium annullare vel retractare excogitato aliquo ingenio valeat hanc pagellam conscribi volumus et eam karacteris nostri sigilli inpressione communimus