Charter Document - 02520046

In nomine sancte et individue trinitatis Ego Philippus divina favente gratia Romanorum rex et semper augustus omnibus fidelibus in perpetuum [] Sicut omnibus dignitate potentia ex imperiali maiestate videmur preminere ita cunctis a deo nobis subiectis formam pietatis et mansuetudinis atque iusticie condecet nos exhibere ut sic mereamur regi regum eternaliter placere Dignum est ut nos qui interminatis rei publice negotiis indesinenter implicamur viros spiritales et divinis obsequiis ferventius insistentes sincera karitate diligamus foveamus debitam eis protectionem impendamus ut dum nos temporalia pacis bona eis providemus eorum orationibus adiuti pariter cum eis bonis perfruamur eternis Proinde iustis et religiosis peticionibus dilecti nostri domini Eberhardi Salzburgensis archiepiscopi et apostolice sedis legati cuius fidelitatem in promovendis imperii negotiis per omnia recognovimus assensum prebemus et pium devotionis ipsius affectum iuste commendamus atque donationem saline in Mulbach quam predictus pontifex pro salute sua omniumque successorum suorum venerabili Berhtoldo abbati in Reitenhasela eius quoque fratribus perpetuo possidendam contulit eandem et nos concessionem una cum ipso iure imperiali inviolabiliter confirmamus Preterea quamcumque libertatem predictus archiepiscopus eis indulsit et dato privilegio stabilivit videlicet in succidendis lignis deducendisque eis per adiacentes saline fluvios sine alicuius tributi requisitione insuper omnia iura salinariorum scilicet fodinam renovandi salem vendendi et deducendi quocumque eis placuerit ad utilitatem ipsorum et nos manum confirmationis apponimus et conservandum iret tractabiliter imperiali auctoritate precipimus Et ut hec traditio tam pontificalis quam confirmatio regalis rata et inconvulsa in futura permaneat tempora paginam istam inde conscribi et sigillo nostro insigniri iussimus De cetero idem monasterium cum omnibus possessionibus suis in presenti acquisitis et in futuro per dei gratiam adquirendis in defensionem regie potestatis suscipimus eo nimirum pacto ut si quis violenta pervasione quicquam ad eos pertinens distraxerit reum se imperialis maiestatis pro certo noverit Wolfkerus Aquileigensis patriarcha huius confirmationis testis est cum ceteris subter annotatis Eberhardus Salzburgensis archiepiscopus Chvnradus Ratisponensis episcopus et cancellarius Manegoldus Patauiengensis episcopus Ekebertus Babibergensis episcopus Heinricus palatinus Reni Ludewicus dux Bawarie comes Rapoto et Heinricus frater eius de Ortenberch comes Albertus de Diligen comes Chvnradus de Zoler comes Chvnradus de Plaigen Data autem et acta sunt hec apud Wormatiam anno ab incarnatione domini MCCVII III non augus[ti]