Charter Document - 02520045
| Charter Number: | 02520045 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1207 |
| Date type: | Internal, A.D., Episcopal |
| Resource Link(s): |
Monasterium.net |
Charter:
In nomine sancte et individue trinitatis Eberhardus dei gratia Salzburgensis ecclesie archiepiscopus apostolice sedis legatus omnibus Christi fidelibus tam presentibus quam futuris [] salutem in perpetuum Suscepte amministrationis sollicitudo nos hortatur religioni mancipatos et divinis obsequiis ferventius insudantes sincera caritate diligere et inopias ipsorum solatio temporali ut liberius possint contemplationi vacare sublevare Hinc est quod intuitu divine remunerationis B[erhtoldo] abbati in Raitenhaselach et fratribus eiusdem ecclesie eorumque successoribus ibidem deo servientibus partem saline in Mulbach de comuni consensu capituli ecclesie nostre et coniventia ministerialium legitima donatione contradimus donamus assignamusque eis areas duas in eadem villa in qua possint edificia decoctionis salis necessaria edificare Concedimus etiam eis lege perpetua decisionem lignorum in foresti nostro et deductiones eorundem lignorum sine omni exactione per fluvios adiacentes saline et omnia iura salinariorum scilicet fodinam renovandi salem vendendi et deducendi quocumque eis placuerit ad utilitatem eorum plenarie eis confirmamus tantum in unam patellam Et ut hec nostra traditio rata in futura tempora et inconvulsa permaneat paginam scripti presentis conscribi et sigillo nostro insigniri precepimus Si quis autem hanc nostre traditionis formam temerario ausu violare presumpserit tam ipsum quam omnes sibi consentientes et favorem prestantes auctoritate dei omnipotentis et beatorum apostolorum Petri et Pauli et beati Rudberti vinculo anathematis innodamus Ego Eberhardus Salzburgensis archiepiscopus ss Ego Albertus Salzburgensis prepositus ss Ego Symon abbas sancti Petri ss Ego Engelmarus plebanus et canonicus Salzburgensis ss Ego Rudigerus canonicus et hospitalarius ss Ego Heinricus de Calahaim et canonicus Salzburgensis ss Ego Volcmarus canonicus et presbyter ss Ego Heinricus presbyter et canonicus ss Ego Gotsoalcus diaconus et canonicus ss Ego Hartnidus diaconus et canonicus ss Ego Chunradus diaconus et canonicus ss Ego Wilhalmus decanus Salzburgensis ecclesie ss Ego Chunradus presbiter et canonicus eiusdem ecclesie ss Ego Hartwicus presbyter et canonicus ss Ego Hermannus presbyter et canonicus ss Ego Heinricus presbyter et canonicus ss Ego Chunradus presbyter et canonicus ss Ego Otto diaconus et canonicus ss Ego Hoholdus diaconus et canonicus ss Ego Sigihardus subdiaconus et canonicus ss Acta sunt autem hec anno ab incarnatione domini MCCVII indictione X in civitate Salzburch anno pontificatus nostri VIII