Charter Document - 02520044
| Charter Number: | 02520044 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1207 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Ego Eberhardus dei gratia Salzburgensis archiepiscopus omnibus fidelibus in perpetuum Conscriptione presentis pagine omni generationi que nunc esta et in futurum nobis successura est notum esse volumus qualiter litem que inter venerabiles fratres de Reitenhasel[ach] et C[hunradum] ministerialem nostrum Salzburgensis urbis prefectum diu habebatur pro rebus quas dominus Meingotus et devota coniux eius domina Dimudis pro redemptione animarum suarum omniumque parentum suorum eisdem fratribus contulerunt tandem composuimus Placuit itaque nobis et nostra auctoritate id ipsum fieri statuimus ut salinam illam in Hallensi fonte que vulgo Cholarepret appellatur quam legitima donatione ab eodem domino M[eingoto] predicti fratres possederunt et predecessoris nostri domini A[delberti] archiepiscopi privilegio eis confirmatam nobis exhibuerunt una cum domo xenodochii in Salzburgensi civitate locata quam non solum eis verum etiam omni ordini eorum ad receptionem eorum et securam ibidem mansionem predictus M[eingotus] perpetuo possidendam tradidit insuper duas curias Waginberch prefatus C[hunradus] et uxor eius domina D[imudis] quamdiu in hac vita subsisterent quiete possiderent nisi amore pariter et timore dei predictis prediis ante renunciarent vel forte heredem postmodum dei nutu habere potuissent At vero si sine liberis eos decedere contingeret pretaxati fratres possessionem eorundem prediorum sine ullius contradictione rehaberent Ut autem cognoscant qui post nos futuri sunt ea sic acta esse scriptis istis certitudinem eis facimus et appositione sigilli nostri in perpetuum cum subter notatis testibus confirmamus Eberhardus archiepiscopus Albertus Salzburgensis prepositus Symon abbas de sancto Petro Engelmarus plebanus Marquardus et frater suus Gerhohus de Percheim et alii quam plures