Charter Document - 02520039
| Charter Number: | 02520039 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Lay |
| Charter Type(s): | Interdiction, Grant |
| Date: | 1206 |
| Date type: | Assigned |
| Resource Link(s): |
Monasterium.net |
Charter:
Lovdewicus dei gratia dux Bawarorum omnibus fidelibus in perpetuum Iocundus homo qui miseretur et commodat com l modans nunc temporalia ut recipiat perennia Hac igitur prophetica provocati promissione peticiones venerabilium fratrum in Reitenhasel[ach] dementer exaudivimus et omne navigium in Ettenove nostra auctoritate interdiximus quin etiam ipsum portum eis in proprietatem donavimus in futurum eis prospicientes ne forte in predicta augeam quam assensu regis misericorditer eis contulimus molestiam conculcationis et de pastionis ab itinerantibus sustineant Preterea indulsimus eis ne alique collecte aut etiam census sub nomine nostro vel alterius persona ab hospite domus sue de Burchvsen deinceps exigatur Volumus etiam ut si quid mercimonii homines eorum subvexerint sine thelonei redditione iure hominum nostrorum ibidem libere pertranseant Igitur ut hoc concessionis nostre beneficium ratum et inviolabile permaneat pagellam istam eis conscribi fecimus et sigilli nostri appositione perpetuo eis possidendam communimus Huius rei testes sunt Chvnradus comes de Moseburc Eberhardus comes de Dornberc Adelrammus de Ovttendorf Hainricus de Hagenove Hainricus advocatus Fridericus saltuarius Reinmarus Dietmarus de Vnch[usen]