Charter Document - 02520037
| Charter Number: | 02520037 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | |
| Date: | 1204 - 1207 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Ego Eberhardus dei gratia Salzburgensis archiepiscopus apostolice sedis legatus omnibus fidelibus in perpetuum Noverint universi matris sancte ecclesie filii conscriptionis huius paginam lecturi dominum Heinricum decanum de Riska quasdam decimas de duabus villicationibus Percha secus ecclesiam sancti Michaelis sitas que eum iure parrochiali contingebant pro remedio anime sue peccatorum quoque suorum redemptione in manus nostras Lovfen spontanee resignasse ubi eodem tempore sollempnem clericorum conventum contigit nos convocasse eo siquidem interveniente pacto ut predictas decimas venerabili Berhtoldo tunc abbati in Reitenhasela eiusque fratribus necnon et eorum successoribus perpetualiter possidendas conferremus Nos itaque laudabile venerabilis viri propositum altius considerantes simulque devotionem ipsius per omnia approbantes dignis et piis eius peticionibus assensum prebuimus et eisdem decimis a predicto sacerdote in presentia totius capituli receptis prefato abbati suisque successoribus tenendas rogatu ipsius legitime contulimus Porro ne aliqua spiritalis secularisve persona ausu temerario hanc nostre institutionis donationem infringere aut in irritum deducere presumat munimenta huius privilegia conscribi iussimus et appositione sigilli nostri una cum testibus subter annotatis perpetuo inviolabiliter confirmamus Testes dominus Albertus prepositus Salzburgensis dominus Symon abbas sancti Petri dominus Hugo Berhterg[a]d[ensis] prepositus dominus Luipoldus abbas de Buren dominus Chunradus Kimensis prepositus dominus Wichardus Ransh[ovensis] prepositus canonici de choro Willehaimus decanus Hermannus presbyter Hainricus presbyter Hoboldus diaconus Ovdilsalcus decanus de Lovfen et alii quam plures